酒女哀怨

酒女哀怨               唱：張舒娟
詞：佚名               曲：佚名

自恨一生呆八字　好花變成野玫瑰
異鄉做著酒家女　已經過了二三年
心稀微暗傷悲　有時乎人來瞞視
目屎不敢流出去　也著忍耐渡日子

怨嘆薄情的郎君　花蕊採了情也斷
害阮前途罩黑雲　袂得見著明月光
心憂悶怨彼拵　金言玉語來騙阮
今日才著墜落海　伴客飲酒化酒拳

手捧一杯的燒酒　想著目屎流袂離
燒酒若無飲落去　人客講阮無情意
心空虛怨恨伊　乎阮變成野花蕊
時常被人虐言語　誰人可憐酒家女