媽媽歌星

媽媽歌星          唱：洪榮宏  
詞：佚名          曲：三上敏人

人若問你甲我二人到底啥關係
介紹你是我小妹　不敢講坦白
雖然是一直掩蓋　心情感覺真難過
因為我惦在歌壇最需要是歌迷
人若知我有女兒歲頭又這多
恐驚可比秋天的落花　名聲飄飄墜落地
(口白：女)
麗蘭　媽媽對人講　妳是我的小妹
妳一定感覺奇怪喔　事實講
像媽媽這款的軟弱的女性
這世人只能有依靠唱歌的女人
除非這以外　還有怎樣的頭路好做呢
妳也所知道　媽媽只愛是妳爸爸一個人
既然無妳爸爸　我　只好靠自己　靠唱歌
唱歌總要靠歌迷　為著毋願讓歌迷失望
麗蘭　媽媽這樣矇騙啦

一切是環境來造成無聊的命運
滿面的胭脂水粉　打扮正青春
上舞台表演歌唱　引人迷魂笑紋紋
因為我惦在歌壇靠藝術賺錢銀
母子來相依為命勞苦無議論
那著怨嘆無情的郎君　每日心肝亂紛紛

興趣著唱歌來一唱已經十多冬
親手來晟養女兒　不願靠別人
薄情漢離開了後將著愛情攏全放
因為我惦在歌壇有能力再活動
期待著美麗前程　相信有好夢
用心栽培女兒花清香　是我一生的願望