桃花過渡

桃花過渡      唱：吳盛智、玉鳳
作 詞：呂金守 改編     (客家謠)

女白：喂！撐船老貨仔，過來。
男白：哎哦！又係桃花姐，愛去奈位賺哪？
女白：奈賺喏，老孤歿！

男唱：正月裏來是新年，走路婦人真賺錢。
丈夫走無三步腳，風流阿哥帶滿間。
女唱：二月裏來人落秧，孤歿絕代撐船郎。
河邊搭介茅草寮，無凳無桌無眠床。

男唱：三月裏來三月三，走路婦人路上行。
每日食飽無在屋，敗祖敗宗敗名聲。
女唱：四月裏來日又長，身無一文撐船郎。
日日來往河壩邊，看到婦人像發癲。

男唱：五月裏來是端陽，走路婦人無想長。
村庄阿哥賺到食，偷偷摸摸出外庄。
女唱：六月裏來人割禾，撐船契弟死孤歿。
撐船可比鬼耙沙，頭搖尾搖背馱駝。

男唱：七月裏來是立秋，走路婦人毋知羞。
日裡擎遮騰人走，老忒無人愛收留。
女唱：八月裏來是中秋，撐船老貨皮皺。
有時有日水浸死，身屍骨頭水上流。

男唱：九月裏來是重陽，討妻莫討過路娘。
走路婦人毋會降，絕了家中一盆香。
女唱：十月裏來小陽春，無愛撐船做老公。
有時有日水浸死，誤了老妹青春時。

男唱：十一月裏來又一冬，走路婦人愛威風。
吾無想愛汝夫娘，汝莫想吾做老公。
女唱：十二月裏來又一年，撐船老貨吾無緣。
老妹連哥千千萬，撐船老貨吾無貪。