落大雨彼日

落大雨彼日        唱：佚 名
詞：葉俊麟        曲：佚 名

彼早起呀落大雨落甲彼下埔　
為著等伊害阮衫褲屋甲淡糊糊
啊！愛情算來甘帶苦　表示初戀的熱度
想起來也是為著幸福的前途    
今日落雨想起彼時　在落雨街路

彼早起呀落大雨落甲彼黃昏　
兩人講話太過興奮　不驚雨大陣
啊！伊講父母不允准　甘願看破從孝順
想起來真是誤著寶貴的青春    
今日落雨想起彼時　心頭越憂悶

彼早起呀落大雨落甲彼半暝　
雨水清冷伴阮行到寂靜的深更
啊！傷心提起要分離　兩人抱著目屎滴
想起來總是一項可惜的代誌    
今暗落雨想起彼暝　加添心稀微